時間飛快地溜走。
打從給D批評完我的編織作品後，便一下子沒興趣再織，連織到一半的也都擱置了，順帶做手工的興致也失去了。可是還是忙得要命！
自小寶最後一天考試當日開始，小朋友們的聚會便接踵而來。平均一星期兩三次，這也算了。這個暑期，除了泳隊要操水外，還報了羽毛球班，讓我天天要帶小寶回校去，兩小時游泳，中間一小時洗澡休息，再一小時羽毛球，加上來來回回的交通，還有本身持續的課外活動，忙得死去活來。
好累啊! 其實我很想放棄，但每當我大汗疊細汗，累得一塌糊塗時，小寶一句：“我玩得很開心，多謝你呀，媽咪!” 還擁著我親吻，真教我赴湯蹈火也願意。
父母，不就是快樂的奴隸嗎？
3 comments:
看著也覺累。我正在想，一個已那麼累了，兩個怎辦？
咁又可以由工人姐姐或者grandparents帶的，又或者唔去咁遠的地方玩／學野，唔參加咁多活動／聚會，或者兄弟姊妹一齊出動... 其實我都諗過四小時後先再返學校湊返佢，但暑假學校修葺，好多裝修／搭棚工人出出入入，話晒佢中間有一小時休息時間，無教練係度，又咁多大隻佬出入，我都係唔放心。
而且我鍾意同佢的同學吹水，我同我老公都有D細路哥緣㗎。佢有幾個同學都鐘意搵我傾計。我成日希望自己唔好變成一個食古不化的阿媽。如果熟到佢的同學／朋友，明白到佢地呢一代的諗法就好啦，雖然我諗一到中學，佢地就會嫌棄我，但到時再算!
湊細路真係好唔簡單！
我細細個就一個人落街玩，仲要幫手去街巿肉檔買豬肉同埋魚！印象中真係小三左右架咋！
但而家我兒甥二年級都未試過自己一個人搭電梯落樓下。世界真係唔同左，太複雜，嚇怕曬Ｄ家長。
Post a Comment