http://www.youtube.com/watch?v=izucgB-lBaI
城中熱話：Susan Boy在British Got Talent中演唱Les Misérables中的 I Dreamed a Dream
R，我在你的blog中抄下youtube的這條link。謝謝了，我最近忙得要死，若不是看你的blog也許會錯過她的表演。在此特與朋友分享。
去年暑假小寶愛死了Les Misérables，每天都要看一次DVD，可惜是concert的版本，希望能早日帶小寶看這音樂劇的演出。
9 comments:
Why so busy?
要負責小寶全班（A+B組）畢業禮的表演服同道具，教會的五十週年特刊，又揹左圖書部一職。
頭兩樣就快搞掂，跟住再搞圖書部。
wah, really very busy wor! Add oil! Your full-time housewife life is so busy!
最富挑戰性的係：對服飾要求，老師要「平」，家長要「正」，結果而家每人唔駛$110就包晒所有釘滿珠片的衫，表演道具，連頭飾同鞋都包埋。
因為無錢，又要靚，所以要用手工搭夠。我買貨買左兩個星期，行勻港九，昨晚成晚做手工，唔...做多一晚啦！
但見到班小朋友鍾意，好開心。
有家長話：「都唔讀（原校）啦，仲幫手？」佢真係唔認識我。
下？咁多件衫的珠片由你一個人釘？
對眼睛不好啊。
無無無，我唔會咁搞法，我主要係做買手，同進行局部加工啫。道具同髮飾先至要手造。好彩屋企工具齊，實不相瞞，我自小有鋪買工具癮，不能忍受眼見「正」工具而不能擁有。記得小學哄阿媽買左個可換廿個頭的家用燒焊器俾我做手作，俾家姐罵死。唓！佢自己都有一個鎔鎢絲的燒焊器，仲危險啦，做乜罵我？
今次買料買貨揀左好耐，好彩最後都好完滿，大家開心，我就開心喇。好笑係，小寶班有三個男仔，大家試衫出黎，d女仔竟然大叫：「靚仔！好有型呀！」d男仔又會話：「我鍾意你條裙，好閃呀，俾我著吖。」你話驚唔驚？
就快告別搞笑的幼稚園生涯，我都唔捨得。
話時話，coupon聽日到手，我再寄俾你？
你做的手工，我都可以想像係好靚的。我老工也是工具王，有時我也實在很佩服他為何能買到如此方便好用的工具。相比下，我實在不佩做家庭主婦，哈。
噢，好啊，實在太麻煩你。我覺得自己實在太低能。地址我再ＥＭＡＩＬ一次給你。謝謝。
嘩嘩嘩，梗唔關事。如果要計分，我死左好耐喇。我個老友講得好，大概係：俾小朋友正確的價值觀，充滿愛的環境同相愛的父母，先係最重要。其他則係個人興趣同取捨，無話對定錯。
我今日寄出左啦，我諗你星期一會收到？
更正，個燒銲器鎔的係錫線，唔係鎢絲。
Post a Comment