手上織的一件外套遲遲未完工，是因為著實買錯了毛冷（在日本一口氣買了十個，不能換），太硬，已預計了織後要加襯裡。雖然我對加襯裡頗有經驗，但坦白說，這是一件未到最後也未知效果如何的一件外套，非常洩氣。
中途小寶問：「你為什麼織這個？」，勾起我的神經。「那你想織什麼？你畫，我織！」小寶滿有興趣的畫了一件小貓背心，指明一定要另加小袋放貓兒的食物：「要兩條魚。」至於背心顏色：要很淡很baby的粉藍色。
結果成了這樣子，兩條魚亦變了一條魚加一粒士多啤梨（我知魚唔食士多啤梨...)小寶這頭說喜歡，那頭自言自語低聲說：「沒想象中好看。」
強烈推薦：yarn-mart的baby milky，非常好織，極軟滑，像鬆軟毛巾一樣。雖然顏色選擇少（白色售罄，粉藍色也沒小寶要求的那麼淡），但粉粉的很可愛，用4-5mm針織，順利的話，四五小時極速完工。
12 comments:
小寶說：「沒想象中好看。」? Wow, apparently she got a very high standard on your creation. I think the sweater is very cute and very well done. Good job!
佢話隻貓織得唔得意，我唯有話：「你估織真係可以織到似畫咩？」
佢問：「唔得咩？」
「得，不過用多好多工夫。咁就唔好玩啦。」
哎唷，雙重標準添。希望佢無發現。
我覺得好可愛啊!
你上次話買冷好平O既?係邊度? 我比你引到有少少想勾條勁巾比自己(從來都自私),近排太忙,無時間整,但你話平,諗住不如買定.
yarn-mart, 霎東街51號二樓, 電話：31883008。而家大部份冷賣四至六折，佢同一般冷鋪唔同，好多cotton冷，顏色亦都好多好sharp好粉的色，係其他冷鋪無的。佢的冷書都減緊，減完同大概同yen價拍齊。你可以上yarn-mart.com睇睇先。好抵，你知，坊間一般冷起碼要六七十蚊舊。
你如果買的話，不如入落我account(customer no: M0600)？我差少少儲夠分換張vip card。本來我夠的，但一直入左落L張卡度，醒唔起而家減價反正無額外折不如自己儲番張卡好過。不過你唔駛特登理我，我換唔到張私人卡就繼續用L張卡，嘻嘻。佢大豪客，一次買過千蚊織針，我仲用緊小學時買落十零廿蚊枝的針呀。
佢減到28/2，得幾日咋，趁手呀。平日就用L個number, 可以有八五折。
我買左幾本新書，有本有頸巾的，下次見面帶出黎？baby milky較粗（中冷），鈎起上黎有D bulky，當然視乎你鈎乜款，佢有兩隻中幼冷都好鈎，一隻叫engine，一隻叫mama，都係cotton加人造纖維（純cotton會重），都好滑，你考慮下。
你買開冷，可以影印冷書的，佢的書好齊全，你睇中邊款可以請佢影。鈎的話我諗我大概都OK，可以大家研究下。織方面坦白講我無鈎野咁叻，盡人事啦。
噢,太遲la!!!! 我星期五晚上堂,星期六全日上堂,可能唔夠時間去買! 睇下星期六會唔會夜晚去開港島食飯睇睇先.不過係咪收好早?
L 係咪羅小姐呀?佢咁勁,買千蚊織針?
我都係諗住鈎,織太慢了,又累.
間鋪收八點。
羅小組梗係勁，J小姐一樣用貴針㗎。我同家姐講，我成個冷針袋幾十幅針，得一枝貴鈎針咋。家姐見我「咁可憐」話送俾我，但我摸住我每枝cheap cheap的針，又唔捨得。佢地每枝都幫我織過好多野。
留番quota屈佢買第二d野。嘿嘿。
你可以上網睇，我快出門送女返學，你如果今日兩點半前call 我的話，我可以幫你買。
哈哈,我過左鐘LA.
唔緊要,其實我隨緣啦,買又得,買唔到又得.
Haha... that red fish looks like a strawberry!
I think Jolie's design makes a lot of sense :)
的確係士多啤梨，阿女問：「魚食士多啤梨㗎咩？會唔會嘔㗎？」
其實係我懶，士多啤梨係之前織落的。
我買左兩舊淺藍色bb冷,四舊蝦肉色冷,遲d問你有咩款好織先. 最衰淺藍色冷只得兩舊!
長有長織，短有短織。兩舊唔算太少，我諗每舊至少有100m（有d有成二百幾m，但我記得你話舊冷較短），都OK。
真係唔夠，到時再配，佢成日會再返貨。
good! :)
Post a Comment